Bu gündən etibarən AFFA Region Liqasının 2025-ci il mövsümünə start veriləcək.
Prosport.Az AFFA-dan iştirak edəcək 54 komandanın ev oyunlarını keçirəcəyi stadionların siyahısını əldə edib.
Əvvəla onu bildirək ki, AFFA Region Liqasının Əsasnaməsi Paytaxt və Şimal zonasında mübarizə aparacaq komandalar tərəfindən pozulub. Belə ki, əsasnaməyə əsasən 1 stadiondan maksimum 6 komandanın istifadə etmək hüququ var. Əsasnamədə göstərilib ki, stadionla müqaviləni təqdim edən ilk 6 komandanın həmin stadiondan istifadəsinə icazə veriləcək, 7-ci komandanın sənədləri qəbul olunmayacaq. Lakin 6-dan çox Bakı komandasının "ASK Arena"nı ev meydanı kimi göstərməsi artıq əsasnamənin pozulması deməkdir.
Yeri gəlmişkən, püşkatma zamanı 54 yox, 50 komandanın ilk turda oynayacağı müəyyənləşdi. Qruplarda say tərkibinə görə 4 komanda ilk turda istirahət edəcək.
Bakı komandalarını saymasaq, Qaxın 2 (biri ötən mövsüm II Liqadan düşən "Kürmük Qax"dır), artıq II Liqada komandası olan Xaçmazın 2 (ancaq heç biri "Şimal" kimi Xaçmazda oynaya bilməyəcək), Sabirabadın 2, Beyləqanın 2, İmişlinin 2 və Şirvanın 2 komandası bu yarışda mübarizə aparacaq. Şirvan Olimpiya Kompleksinin stadionundan "Hacıqabul" komandası da yararlanacaq. Yeni yaradılmış "Xankəndi" və "Xocalı" komandaları ev oyunlarını müvafiq olaraq Şamaxı və Zaqatala Olimpiya İdman Kompleksinin stadionunda keçirəcək.
Naxçıvan komandaları ötən mövsüm olduğu kimi, bu il də yarışmaq üçün AFFA-ya müraciət etməyib.
Şimal-Qərb və Qərb zonası (11 komanda, 2 qrup)
1. "Qax FK" (Qax Olimpiya İdman Kompleksinin stadionu)
2. "Goranboy OİK" (Goranboy Olimpiya İdman Kompleksinin stadionu)
3. "Göyəzən" (Qazax şəhər stadionu)
4. "Tərtər FK" (Tərtər Olimpiya İdman Kompleksinin stadionu)
5. "Ağstafa Gəncləri" (Ağstafa şəhər stadionu)
6. "Naftalan FK" (Goranboy Olimpiya İdman Kompleksinin stadionu)
7. "Bərdə FK" (Bərdə şəhər stadionu)
8. "VT-Gəncə" (Göygöl Olimpiya İdman Kompleksinin stadionu)
9. "Balakən FK" (Balakən Olimpiya İdman Kompleksinin stadionu)
10. "Kürmük Qax" (Qax şəhər stadionu)
11. "Xocalı PFK" (Zaqatala Olimpiya İdman Kompleksinin stadionu)
Paytaxt və Şimal zonası (22 komanda, 3 qrup)
1. "Qaradağ Şıxlar" (Şıxlar qəsəbə stadionu)
2. "Dirçəliş FK" ("ASK Arena"nın IV meydançası)
3. "Xudat Siti FA" (Qusarın Şirvanlı kənd stadionu)
4. "Gənclik İK" ("ASK Arena"nın IV meydançası)
5. "Mübariz FA" ("ASK Arena"nın IV meydançası)
6. "Siti Baku" ("ASK Arena"nın IV meydançası)
7. "Lokomotiv Baku" ("ASK Arena"nın IV meydançası)
8. "Xanlıq FK" ("ASK Arena"nın IV meydançası)
9. "Rekord FK" ("Rekord Klub" İdman Kompleksi)
10. "Topçular FK" (FHN-in stadionu)
11. "Çinar Zəngilan" ("ASK Arena"nın IV meydançası)
12. "AtiDEL PFK" ("ASK Arena")
13. "Bayıl Rovers" ("ASK Arena")
14. "Əmirli FK" (Şıxlar qəsəbə stadionu)
15. "İnşaatçı PİK" ("ASK Arena"nın IV meydançası)
16. "Şirvanovka FK" (Qusarın Şirvanlı kənd stadionu)
17. İsgəndər Cavadov Bakı Futbol Akademiyası (Abşeron Olimpiya İdman Kompleksinin stadionu)
18. "Balaxanı FK" ("ASK Arena")
19. "Cəngi FK" ("Rekord Klub" İdman Kompleksi)
20. "Gənclər Futbol Məktəbi" ("Rekord Klub" İdman Kompleksi)
21. ŞKGB (Quba Olimpiya İdman Kompleksinin stadionu)
22. "Ramana FK" ("ASK Arena"nın IV meydançası)
Cənub zonası (8 komanda, 1 qrup)
1. "Masallı PFK" (Masallı şəhər stadionu)
2. "Zəfər 44" (Cəlilabad şəhər stadionu)
3. "Lənkəran FK" (Lənkəran Olimpiya İdman Kompleksinin stadionu)
4. "Ərkivan" (Masallının Ərkivan qəsəbə stadionu)
5. "Qobustan" (Salyanın Qaraçala qəsəbə stadionu)
6. "Biləsuvar FK" (Biləsuvar şəhər stadionu)
7. "Neftçala FK" (Neftçala şəhər stadionu)
8. "Salyan OİK" (Salyan Olimpiya İdman Kompleksinin stadionu)
Mərkəz zonası (13 komanda, 2 qrup)
1. "Mil FK" (Beyləqan Olimpiya İdman Kompleksinin stadionu)
2. "Araz" (İmişli şəhər stadionu)
3. "Hacıqabul" (Şirvan Olimpiya İdman Kompleksinin stadionu)
4. "Şirvan OİK" (Şirvan Olimpiya İdman Kompleksinin stadionu)
5. "Sabirabad FK" (Sabirabad rayonu mərkəzi stadionu)
6. "Ümid FK" (Saatlı Olimpiya İdman Kompleksinin stadionu)
7. "Şirvan FK" (Şirvan Olimpiya İdman Kompleksinin stadionu)
8. "Xankəndi FK" (Şamaxı Olimpiya İdman Kompleksinin stadionu)
9. "Ərgünəş" (Horadiz Olimpiya İdman Kompleksinin stadionu)
10. "Lokomotiv İmişli" (İmişli şəhər stadionu)
11. "Bahar FK" (Beyləqanın Bahar qəsəbə stadionu)
12. "Marafon İK" (Sabirabad rayonu mərkəzi stadionu)
13. "Avşar FK" (Ağcabədi Olimpiya İdman Kompleksinin stadionu)
Qeyd edək ki, 17 min manat mükafat fondu olan yarışın hər qrupundan ilk 2 komanda 1/8 finala vəsiqə qazanacaq. 20-25 may tarixləri aralığında çempionun və mükafatçıların müəyyənləşdirilməsi nəzərdə tutulub.
Səbuhi Musa