Futbol üzrə Azərbaycan I Liqasında XVII tura yekun vurulub.

Prosport.Az xəbər verir ki, son oyun günündə 3 matç keçirilib. 

Lider "Qəbələ" 7-ci yerdəki "Cəbrayıl"ın qonağı olub və 3:2 hesabı ilə qalib gəlib. 2-ci sıradakı "İmişli" 8-ci pillədədəki "Mingəçevir"lə qarşılaşıb və gözlənilmədən rəqibinə uduzub - 0:1. 

3-cü yerdəki "Karvan" isə 6-cı sıradakı "Zaqatala"dan üstün olub - 3:2.

Bu nəticələrdən sonra xallarını 33-ə çatdıran "Karvan" "İmişli"ni qabalayaraq 2-ci pilləyə yüksəlib. "İmişli" isə 30 xalla 3-cüdür.

7 mart (cümə)

13:00. “Cəbrayıl” – “Qəbələ” - 2:3

Qollar: S.Məhərrəmli, 16, T.Əhmədov, 90+4 (pen) - A.Şuaybu, 23, D.Massumo, 75, 90+1
Hakimlər: Kamran Əliyev, Tərlan Talıbzadə, Samir Qaracayev, Şamil İmanzadə
"ASCO Arena”

14:00. “İmişli” – “Mingəçevir” - 0:1

Qol: M.Tahirov, 32 

Hakimlər: İslam Məmmədov, Orxan İbişov, Mirnihad Seyidov, Səbuhi Bayramov
Heydər Əliyev adına İmişli şəhər stadionu

14:00. “Karvan” – “Zaqatala” - 3:2

Qollar: E.Morqan, 28 (pen), 90+1, B.Teymurov, 58 - C.Cəbrayılov, 3, R.İsmayılov, 24
Hakimlər: Vüqar Həsənli, Şirmamed Mamedov, Kərim Zeynalov, Sənan Bayramzadə
Yevlax şəhər stadionu