Klubların UEFA reytinqi açıqlanıb.

Prosport.Az xəbər verir ki, avrokubokların 1/8 final mərhələsinin ilk oyunları bəzi dəyişikliklərə səbəb olub.

Azərbaycan çempionu “Qarabağ”ın da mövqeyi dəyişib. Qurban Qurbanovun komandası 67-cı yerdə qərarlaşıb.

Ağdam klubunun hesabında 32,000 xal var. Ötən siyahıda 66-cı olan “Qarabağ” bir addım geriləyib. “Molde” Azərbaycan çempionunu geridə qoyub. Norveç klubu “Legiya”nı 3:2 hesabı ilə udaraq xal hesabını 33,750-yə çatdırıb.

“Neftçi” 8,000 xalla 181-ci yerə şərikdir. Digər klublarımız – “Zirə”, “Sabah”, “Sumqayıt” 4,000 xalla 315-ci, “Qəbələ” və “Şamaxı” 3,925 xalla 337-ci yeri bölüşənlər arasındadır.

Qeyd edək ki, siyahıya 142,000 xala malik “Real” başçılıq edir.