AFFA Region Liqasının mükafat fondu bilinib.

Prosport.Az-ın xəbərinə görə, makafat fondu 17 min manat nəzərdə tutulub.

Çempion komandaya 10 min manat veriləcək. Digər finalçı 5 min, 3-cü yeri tutan komanda isə 2 min AZN əldə edəcək. Müqayisə üçün bildirək ki, ötən mövsüm də mükafat fondu 17 min manat olub.

Bundan başqa, mövsümün sonunda liqanın ən məhsuldar oyunçusu və ən yaxşı futbolçusu seçiləcək və onlar da hədiyyələrlə mükafatlandırılacaq.

Qeyd edək ki, 54 komandanın iştirakı ilə keçiriləcək AFFA Region Liqasının 2025-ci il mövsümü sabah start götürəcək. Qalib komanda yarımpeşəkar statuslu II Liqaya vəsiqə qazanacaq. 2-ci yerin sahibi isə II Liqanın sondan 2-ci komandası ilə pley-off matçı keçirəcək.