Polşada təşkil olunan III Avropa Oyunları davam edir.

Prosport.Az xəbər verir ki, yarışın 8-ci günündə çimərlik futbolu üzrə Azərbaycan millisi mübarizəyə qoşulacaq.

Komandamızın rəqibi meydan sahibi Polşa olacaq. A qrupunun I turu çərçivəsində Tarnuf şəhərində keçiriləcək oyun Bakı vaxtı ilə saat 22:30-da başlayacaq. Saat 18:00-da isə qrupun favoritləri olan Portuqaliya və İspaniya üz-üzə gələcək.

Bundan əlavə, ölkə təmsilçiləri bu gün kamandan oxatma, atıcılıq, badminton, boks və qılıncoynatmada da qüvvəsini sınayacaq.