Polşada keçirilən III Avropa Oyunlarında yarımfinal görüşlərinə çıxan 3 muay tay idmançımız uduzub.

Prosport.Az xəbər verir ki, bu səbəbdən də Xəyal Əliyev (67 kq), Aysu Devrişova (57 kq) və Emili Rzayeva (63,5 kq) bürünc medalla kifayətlənib.

Bununla belə, bu 3 "bürünc" medal sıralamasında Azərbaycanın irəliləməsinə imkan verməyib. Əksinə 21-ci sırada olan Azərbaycan 22-ci yerə düşüb. Hazırda Azərbaycanın aktivində 8 medal (2 qızıl, 1 gümüş, 5 bürünc) var.

Ən çox medal qazanan İtaliya isə sıralamada liderliyi İspaniyadan alıb (18-17-23). İspaniya 2-ci (18-11-11), Ukrayna yenə 3-cüdür (12-7-6).