Azərbaycan millisinin qapıçısı Şahruddin Məhəmmədəliyev gələn mövsümə harada başlayacağını müəyyənləşdirib.

Prosport.Az sportinfo.az-a istinadən xəbər verir ki, o, “Qarabağ”ın müqavilə müddətini yeniləməklə bağlı təklfinə ikiəlli razılaşıb.

2024-cü ilin iyulunda Ağdam klubuna qayıtmış və birillik kontrakt imzalamış kiper qarşıdakı iki sezonu da burada keçirəcək. Hələ də əsas heyətdə yerini qaytara bilməyən Məhəmmədəliyevin gələn “futbol ili“nə ümidləri böyükdür. Çünki Fabiyan Buntiçlə sözləşmənin ləğv edilə biləcəyi ona məlumdur. Belədə polşalı Mateuş Koxalski ilə rəqabətə daha həvəslə girişəcək.

Şahruddin “köhlən atlar”la 7 dəfə Azərbaycan çempionu olub, 3 dəfə ölkə kubokunu qazanıb. O, Azərbaycan millisində 29 oyun keçirib.