Azərbaycan futbolu azarkeşləri üçün "İdman" TV yeni televiziya layihəsi hazırlayır.

Prosport.Az xəbər verir ki, adı "Qol çək" olan verilişdə Azərbaycan Premyer Liqasında çıxış edən komandaların futbolçuları qonaq olacaq.

Onlar layihənin aparıcıları – Fuad Eldarov və Absalam Həşimli ilə birgə dünyaca sevilən müxtəlif çelenc rubrikalarında və sürpriz suallarda yarışacaq. Verilişin sonunda isə futbolçunun çıxış etdiyi mövqeyə uyğun ən yaxşı qol təqdim olunaraq təkrarlanması istəniləcək.

İlk buraxılışda "Sumqayıt" klubunun üzvləri Ayxan Süleymanlı və Səbuhi Abdullazadə bacarıqlarını göstərəcək.

Veriliş yaxın günlərdə efirə gedəcək.