"AFFA İcraiyyə Komitəsinin qərarına biz də çox sevindik. Obyektiv qərar oldu".

Bunu Prosport.Az-a "İmişli"nin icraçı direktoru Aqşin Mürsəlov bildirib.

Bu gün AFFA İcraiyyə Komitəsi növbəti mövsüm Premyer Liqaya və I Liqaya çıxacaq komanda sayını açıqlayıb. Məlum olub ki, Premyer Liqanın sonuncusu (indiki halda "Səbail") I Liqaya düşəcək. I Liqadan isə 3 komanda birbaşa Premyer Liqaya vəsiqə qazanacaq.

Əgər lisenziya şərtlərinə əməl edilsə, hazırda bu 3 komandanın turnir cədvəlindəki yerlərinə əsasən "Qəbələ", "Karvan" (Yevlax) və "İmişli" olacağı gözlənilir. "İmişli" tərəfi isə bu qərarı sevinclə qarşılayıb.

Bununla belə, Aqşin Mürsəlov arxayınlaşmaq üçün əsas görmür: "Hələ ki, ilk "3-lük"də qərarlaşsaq da, qarşıda 12 tur var. Özünüz görürsünüz ki, çempionat necə gərgin keçir. Bununla belə, düşünürəm ki, bu heyətlə də daha yaxşı nəticələr əldə edə bilərik. Futbolda regionlarda gözəldir. Güclənmiş "Mingəçevir"i tezliklə görəcəyik. Çox istərdim ki, Mingəçevir, Zaqatalada da böyük komandalar olsun, paytaxt komandaları bölgələrimizə səfər etsin".