Peşəkar Futbol Liqası Misli Premyer Liqasının XXIV turu çərçivəsində keçiriləcək “Qarabağ” – “Sabah” oyunu ilə bağlı maraqlı videoçarx hazırlayıb.

Prosport.Az xəbər verir ki, süni intellektlə hazırlanan videoda Bakı şəhərinin, Masazır gölünün və Tofiq Bəhramov adına Respublika stadionunun görüntüləri yer alıb.

Videoda “Qarabağ”ın futbolçusu Kadi, “Sabah”ın oyunçusu Cesse Sekidika da var.

Maraqlıdır ki, Kadinin mərkəzi arenanın meydanına atla daxil olduğu təsvir edilib. Sekidikanın çiynində isə bayquşun olması diqqət çəkib.

At Ağdam təmsilçisinin, bayquş isə paytaxt klubunun rəmzidir.

Fevralın 22-də Tofiq Bəhramov adına Respublika stadionununda keçiriləcək “Qarabağ” – “Sabah” matçı saat 19:00-da başlayacaq.