“Neftçi”nin sabiq futbolçusu Andre Şinyaşiki özünə yeni komanda tapıb.

Prosport.Az xəbər verir ki, “ağ-qaralar”ın sıralarını tərk etdikdən sonra klubsuz qalan braziliyalı hücumçu Bolqarıstanda oynayacaq.

O, yüksək liqa təmsilçisi “Arda” ilə anlaşıb. 27 yaşlı hücumçu 11 nömrəli formanı geyinərək mövsümün sonuna qədər bolqarlara kömək edəcək.

Qeyd edək ki, millimizin futbolçusu Cəlal Hüseynov da müqavilə ilə "Arda"ya məxsusdur. O hazırda "Şamaxı"da icarə əsasında çıxış edir.