Azərbaycan millisinin futbolçusu Mahir Emrelinin adı Almaniya 2-ci Bundesliqasının XXII turunda “Ulm”la keçirilən oyunda “Nürnberq”in iştirak ərizəsinə salınmayıb.

Prosport.Az xəbər verir ki, buna səbəb 27 yaşlı hücumçunun transfer danışıqları aparmasıdır.

Məlumatda bildirilib ki, Emrelinin başı hazırda transfer məsələlərinə qarışdığından, baş məşqçi Miroslav Kloze onu oynatmamaq qərarına gəlib. Futbolçunun Cənubi Koreyanın “Seul” klubuna keçidi istisna edilmir. Asiya ölkəsində “transfer pəncərəsi” marta qədər açıq olduğundan, “Seul” Emrelini həmin vaxta qədər heyətinə qata bilər.

Qeyd edək ki, Mahir Emrelinin “Nürnberq”lə müqavilə müddəti mövsümün sonuna qədərdir.