"Mənim üçün əsas olan komandanın qələbəsi, uğurudur".

Prosport.Az xəbər verir ki, bunu "Kəpəz"in futbolçusu Turan Manafov deyib.

PFL tərəfindən keçirilən "Ayın qolu" layihəsində qalib olan oyunçu bununla bağlı fikirlərini bölüşüb: "Seçimdə mənə üstünlük verənlərə təşəkkür edirəm. Həmin qoldan sonra sosial şəbəkələrdə azarkeşlərdən də təbriklər alırdım. Dəyər verən hər kəsə minnətdaram. Zərbəm dəqiq alındı deyə daha da baxımlı oldu. Məğlub olsaydıq, qolun ən yaxşı seçilməyinin bir mənası olmayacaqdı. Növbəti oyunlara, qələbələrə hazırlaşırıq. Klubumuz, azarkeşlərimiz üçün yaxşı nəticələr qazanmağa çalışacağıq".

Qeyd edək ki, o, "Turan Tovuz" üzərində qazanılan 3:2 hesablı qələbədə 2 qol vurub. Onun cərimə zərbəsindən vurduğu qol ayın qolu seçilib.