Millimizin futbolçusu Coşqun Diniyev Türkiyənin "Çorum" klubundakı debüt oyununda 2 qol vuraraq komandasının qələbəsində əsas pay sahibi olub.

Prosport.Az xəbər verir ki, I Liqanın XXIV turunda autsayder "Yeni Malatyaspor"u qəbul edən "qırmızı-qaralar" Coşqunun 14 və 49-cu dəqiqələrdəki dəqiq zərbələrinə sevinib – 2:0.

Hər iki qolun ötürməsini Almaniya türkü Atakan Akkaynak verib. Futbolçumuz 90 dəqiqə meydanda olub.

Qeyd edək ki, 29 yaşlı yarımmüdafiəçi qış fasiləsində "Bandırmaspor"dan "Çorum"a keçib. Azərbaycanlı futbolçunun komandası turnir cədvəlində 38 xalla 4-cü sırada qərarlaşıb.

18:37

Azərbaycan millisinin futbolçusu Coşqun Diniyev Türkiyənin "Çorum" klubundakı debüt oyununda qol vurub.

Prosport.Az xəbər verir ki, o, I Liqaın XXIV turunun "Yeni Malatyaspor"la matçında fərqlənib. Yarımmüdafiəçi 14-cü dəqiqədə hesabı açıb. Hazırda davam edən görüşdə Diniyevin komandası öndədir – 1:0.

Qeyd edək ki, 29 yaşlı yarımmüdafiəçi qış fasiləsində "Bandırmaspor"dan "Çorum"a keçib.