Millimizin sabiq hücumçusu Ruslan Qurbanov karyerasını bərpa edib.
Prosport.Az-ın xəbərinə görə, 33 yaşlı futbolçu yenidən Azərbaycanda oynayacaq.
O, II Liqa təmsilçisi "Haypers Quba" komandasında çıxış edəcək.
Qeyd edək ki, Ruslan Qurbanov sonuncu dəfə Azərbaycanda 2020/21 mövsümündə "Zirə"də çıxış edib. Daha sonra Belarusun "Slaviya" klubuna keçmiş Qurbanov 2022-ci ildən klubsuz idi. Yanvarın 15-dək Rusiyada Medialiqada çıxış etmiş futbolçu yenidən peşəkar karyera yaşayacaq.
