"Neftçi” növbəti transferini həyata keçirib.

Prosport.Az xəbər verir ki, "ağ-qaralar" Seneqal əsilli, Almaniya doğumlu hücumçu Bassala Sambunu heyətinə qatıb.

9 nömrəli formanı geyinəcək 27 yaşlı futbolçu ilə 1,5 illik müqavilə bağlanıb.

7 yaşından İngiltərədə yaşayan Bassala Sambu karyerasına “Koventri”də başlayıb. O, 2017-ci və 2019-cu illərdə “Everton”la 23 yaşadək futbolçular arasında keçirilən İngiltərə Premyer Liqasının çempionu və kubokunun sahibi olub. Ölkə xaricində 2021-ci ildə icarə əsasında (Niderlandın "Fortuna" komandasına məxsus olub – red.) oynadığı “Randers”lə Danimarka Kubokunu qazanıb. Sonuncu klubu “Enosis Neon Paralimni”nin (Kipr) heyətində cari mövsüm meydana çıxdığı 21 matçda 5 qola imza atıb.