Transfer çalışmalarını davam etdirən "Neftçi" daha bir legioneri heyətinə qatmağa yaxındır.

Prosport.Az sports.az-a istinadən xəbər verir ki, "ağ-qaralar" Haiti millisinin üzvü Jayro Janla anlaşmaq üzrədir.

Maraqlıdır ki, Qazaxıstan "Aktobe"sindən ayrılan 26 yaşlı futbolçu yanvarın 15-i Küveytin "Əl-Qadsiyə" klubu ilə müqavilə imzalayıb. Lakin sənəd məsələlərində problem yarandığından haitili ilə müqaviləyə qarşılıqlı razılaşma əsasında xitam verilib.

Kilian Lebonla yollarını ayıran "ağ qaralar"ın bu mövqeyə axtarışları bitib və Jayro Janın yaxın günlərdə Bakıya gəlib Samir Abasovun komandasına qoşulacağı gözlənilir.