“Sabah” tarixində ilk dəfə Azərbaycan Kubokunun ev oyununda heç-heçə edib.

Prosport.Az xəbər verir ki, bu, 1/4 finalın “Sumqayıt”la ilk matçında yaşanıb. Qarşılaşma qolsuz bərabərliklə yekunlaşıb. Bu, həm də “Sabah”ın tarixinə evdəki 10-cu kubok görüşü kimi düşüb. Əvvəlki 9 oyunda heç-heçə qeydə alınmamışdı.

Hesabında 3 qələbə olan Bakı klubu 6 dəfə uduzub.

“Sumqayıt” isə Azərbaycan Kubokunda 10-cu dəfə heç-heçə edib. Bu, 39-cu matçda qeydə alınıb. Sumqayıtın eyniadlı klubu 5 dəfə evdə, 5 dəfə rəqib meydanında sülhlə barışıb.