Azərbaycan millisinin futbolçusu Mahir Emreli “Nürnberq”ə xoşagəlməz vəziyyətlə üz-üzə qalıb.

Prosport.Az “Bild” nəşrinə istinadən xəbər verir ki, hücumçunun davranış rəftarı komanda yoldaşları arasında bəyənilmir. Buna görə də bir çox komanda yoldaşı ilə münasibətləri gərginləşib.

İddiaya görə, forvard tez-tez kobud sözlər işlədir. Eyni şey təxminən 2 həftə əvvəl “Şalke” ilə oyundan sonra məşqdə Florian Flik tərəfindən qayda pozuntusuna məruz qldığı zaman baş verib.

Emrelinin sərt oyuna görə Fliki təhqir etməsi məşqin bir neçə dəqiqəlik dayanmasına səbəb olub. Deyilənə görə, köməkçi məşqçilər onu sakitləşdirməkdə çətinlik çəkib.
“Bild”in yazdıqlarına inansaq, Emrelinin bu cür hərəkətəri ilk deyil. Komanda yoldaşlarının çoxu onun özünü ulduz kimi aparmasından qıcıqlanır. Xüsusən də onun idman nəticələri çox arzuolunmazdır: İlk 7 rəsmi matçında 4 qol vuran hücumçu noyabrın əvvəlindən bəri fərqlənə bilmir.

Forvadın yayda bbaşa çatacaq müqaviləsinin müddətinin uzadılıb-uzadılmayacağı bəlli deyil. Klub rəhbərliyi avtomatik yeniləmə seçimindən istifadə etməkdə tərəddüd edir.

Qeyd edək ki, "Bild" nəşri daha əvvəl də Mahir Emreli haqda neqativ yazılar dərc edib.