"Mingəçevir” klubu I Liqada növbəti ev oyunlarını Zaqatala Olimpiya İdman Kompleksinin stadionunda keçirəcək.

Prosport.Az xəbər verir ki, buna Yaşar Məmmədzadə adına Mingəçevir şəhər stadionunda təmir və yenidənqurma işlərinin aparılması səbəb olub. "Mingəçevir” Futbol Klubunun müraciəti, Peşəkar Futbol Liqasının qərarı ilə təmir və yenidənqurma işləri başa çatana qədər Füzuli Məmmədovun rəhbərlik etdiyi kollektiv ev oyunlarını Zaqatalada keçirəcək.

Qeyd edək ki, bir müddət öncə iş adamı Adnan Əhmədzadə klubu himayəsinə götürüb.