Misli Premyer Liqasında XXI turun oyunları davam edir.

Prosport.Az xəbər verir ki, bu gün daha 2 oyun keçiriləcək. “Turan Tovuz” doğma meydanda “Səbail”i sınağa çəkəcək. Günün digər oyunu “Sumqayıt”la “Araz-Naxçıvan” arasında baş tutacaq.

Xatırladaq ki, ilk gündə “Kəpəz” “Sabah”a (3:2), “Neftçi” isə “Şamaxı”ya (1:0) qalib gəlib. Tura sabah keçiriləcək “Zirə” – “Qarabağ” oyunu ilə yekun vurulacaq.

Misli Premyer Liqası
XXI tur
1 fevral

16:00. “Turan Tovuz” – “Səbail”
Hakimlər: Tural Qurbanov, Vüsal Məmmədov, Rəhman İmami, Elvin Bayramov.
Tovuz şəhər stadionu

18:30. “Sumqayıt” – “Araz-Naxçıvan”
Hakimlər: Cavid Cəlilov, Müslüm Əliyev, Eyyub İbrahimov, Kamran Əliyev.
Mehdi Hüseynzadə adına Sumqayıt şəhər stadionu.