"Qarabağ"ın 14 yaşadək komandası (U-14) Belarusun paytaxtı Minskdə keçiriləcək növbəti "Bizim gələcəyimiz" adlı turnirdə iştirak etməyəcək.

Prosport.Az-ın xəbərinə görə, 19-22 mart tarixlərində 2011-ci il təvəllüdlü futbolçular arasında keçiriləcək yarışda "Qarabağ" iştirakını geri götürüb (aşağıdakı fotolardan bunu görmək mümkündür, "Qarabağ"ın imtinası ilə bir yer artıq boş görünür – red.).

"Qarabağ" Akademiyasının meneceri Nail Kərimov bunu daha səviyyəli turnirdə oynamaq istəmələri ilə əlaqələndirib: "Biz bu komanda ilə Belarusdakı turnirdə iştirak etmək istəyirdik. Amma səfərimiz alınmadı. Çox güman ki, başqa turnirdə iştirak edəcəyik. Hazırda həm turnirin təşkilatçıları, həm də klub rəhbərliyindən bu yöndə təsdiq gözləyirik".

Qeyd edək ki, "Qarabağ"ın U-14 komandasını Samir Musayev çalışdırır, Maksim Medvedev isə ona məşqçi kimi kömək edir.

Xatırladaq ki, ötən il bu komanda U-13 olarkən sözügedən turnirin qrupunda qalmışdı.