UEFA Avropa Liqasının 2024/25 mövsümündə “Qarabağ”ın son rəqibi olan “Olimpiakos” növbəti matçını keçirib.

Prosport.Az xəbər verir ki, Pirey təmsilçisi Yunanıstan Superliqasında “Panatinaikos”la qarşılaşıb.

David Karmo 14-cü dəqiqədəki erkən qolla “Olimpiakos”u hesabda irəli çıxarsa da, meydan sahibləri üstünlüyü qoruya bilməyiblər. Matçın sonuna 16 dəqiqə qalmış fərqlənən “Panatinaikos” səfərdən bir xalla ayrıla bilib – 1:1.

Fasilə ərəfəsində Koştinyu qırmızı vərəqə aldığı üçün “Olimpiakos” matçın təxminən yarısını azlıqda keçirib. Görüşə artırılan dəqiqələrdə isə qonaqların futbolçusu qırmızı vərəqə ilə cəzalanıb. 20 turdan sonra hesabında 44 xalı olan “Olimpiakos” çempionatın lideridir.

Qeyd edək ki, “Olimpiakos” – “Qarabağ” matçı yanvarın 30-da keçiriləcək.