Futzal  üzrə dünya çempionatının final mərhələsinin keçiriləcəyi ölkə müəyyənləşib.

Prosport.Az xəbər verir ki, Gələn il sayca 10-cu dəfə təşkil olunacaq bu mərhələyə Özbəkistan ev sahibliyi edəcək. Bununla bağlı FIFA bu gün qərar qəbul edib. 24 komandanın iştirak edəcəyi final mərhələsinin matçları 2024-cü il sentyabrın 14-dən oktyabrın 6-dək keçiriləcək.

Qeyd edək ki, Avropanın 7 ölkəsi mundialda iştirak edəcək. Sentyabr, oktyabr və dekabr aylarında qitə üzrə elit-raund mərhələsinin matçları keçiriləcək. Millimiz A qrupunda Qazaxıstan, Rumıniya və Niderlandla mübarizə aparacaq. Qrup lideri birbaşa final mərhələsinə yollanacaq. İkinci pilləni tutmuş komandalardan ən yaxşı göstəriciyə malik 4 komanda isə pley-off-da qarşılaşacaq. Qalib gələn 2 milli final mərhələsində oynamaq hüququ qazanacaq.