"Bizim vəziyyətimiz aydındır. İtirəcəytimiz heç nə yoxdur, yalnız qələbə qazanmalıyıq”.

Prosport.Az xəbər verir ki, bunu Rumıniyanın UTA klubunun baş məşqçisi Mirça Rednik deyib.

Vaxtilə “Xəzər Lənkəran”ı çalışdıran rumıniyalı mütəxəssis Avropa Liqasının “Qarabağ” – FKSB oyunu ərəfəsində fikirlərini bildirib. Həftəsonu Buxarest təmsilçisi ilə üz-üzə gələcək Arad klubunun baş məşqçisi rəqibinin Bakıdan yorğun qayıtmasını arzulayıb: “FKSB çox güclü komandadır. Amma onların qarşıda səfər matçı da var. Onların diqqətinə çatdırım ki, “Qarabağ”ın Azərbaycan üçün nə demək olduğunu bilsinlər. Bu komandaya böyük vəsait qoyulub. Çox keyfiyyətli komandadır. Ona görə də həddinizi aşmayın və geri yorğun qayıdın. Amma Cici Bekali nə etməli olduğunu bilir”.

Qeyd edək ki, “Qarabağ” – FKSB matçı yanvarın 23-də keçiriləcək. Buxarest klubu üç gün sonra Aradda UTA-nın qonağı olacaq.