Misli Premyer Liqasının gələn mövsümündə iştirakçı sayının artırılması gözlənilir.

Prosport.Az sportinfo.az-a istinadən xəbər verir ki, rəhbərlik sözügedən məsələni daxili müzakirəyə çıxarıb.

Qurumun prezidenti Rövşən Nəcəf vitse-prezidentlər və digər rəsmilərin bununla bağlı mövqeyini öyrənib. Əksəriyyət bu təşəbbüsü dəstəkləyib.

AFFA-dan bildirilib ki, elitada klub sayının çoxaldılmasının İcraiyyə Komitəsinin sabahkı iclasında da gündəmə gətirilməsi nəzərdə tutulub.

Rövşən Nəcəfin təlimatına əsasən, komitə üzvlərinə toplantının yeri və saatı barədə məlumat verilib.

Əslində İK ötən həftə yığışmalı idi. Lakin son anda AFFA başçısının SOCAR-da digər işlərinin ortaya çıxması səbəbindən yığıncaq ertələnməli olub.