UEFA Avropa Liqasında “Qarabağ”la qarşılaşacaq FKSB-nin Bakıdakı oyun üçün start heyəti bəlli olub.

Prosport.Az xəbər verir ki, Rumıniya klubunun sahibi Cici Bekali meydana çıxacaq “11-liy”i açıqlayıb.

O, komandasının 4-3-3 sxemi ilə oynayacağını bildirib. Klubun sahibi iki sürprizə də yer verib. Funksioner müalicədən yeni qayıdan və Bakıda oynayacağı gözlənilməyən Vlad Çiriçeș, həmçinin Marius Ştefaneskunun meydana çıxacağı qənaətindədir.

FKSB-nın start heyəti: Stefan Tarnovanu – Valentin Kretu, Xoakin Dava, Siyabonqa Nqezana, Risto Radunoviç – Vlad Çiriçeș, Adrian Şut, Florin Tanase – Marius Ştefanesku, Daniel Birliqea, David Mikulesku.

Qeyd edək ki, yanvarın 23-də Tofiq Bəhramov adına Respublika stadionunda keçiriləcək “Qarabağ” – FKSB matçı saat 21:45-də başlayacaq.