"Nürnberq"in baş məşqçisi Miroslav Kloze komandanın azərbaycanlı hücumçusu Mahir Emrelinin Almaniya 2-ci Bundesliqasının XVIII turunda “Karlsrue”yə qarşı matçdakı (2:1) performansını şərh edib.

Prosport.Az xəbər verir ki, almaniyalı mütəxəssis forvard haqda müsbət fikirlər səsləndirib:

"Mahir cərimə meydançasında rəqibin ən azı iki mərkəz müdafiəçisinin diqqətini cəlb etməli idi. Tsimas bunu təkbaşına edə bilməzdi. Emreli güclü oyun nümayiş etdirdi. Onun üçün topa daim nəzarət etmək vacibdir. Əks halda daha çətin olar. O, artıq haraya necə hərəkət edəcəyini bilir".

Qeyd edək ki, millimizin hücumçusu “Karlsrue” ilə görüşdə meydana start heyətində çıxıb və 72-ci dəqiqədə əvəzlənib.