"Araz-Naxçıvan" Misli Premyer Liqasının XIX turunda səfərdə "Zirə"yə 0:1 hesabı ilə uduzub.

Prosport.Az xəbər verir ki, muxtar respublika təmsilçisinin baş məşqçisi Elmar Baxşıyev oyundan sonra keçirilən mətbuat konfransında jurnalistlərin suallarını cavablandırıb:

– Ağır oyun alındı. Meydanda mübarizə getdi. Məğlub olsaq da, çox kədərlənmək fikrimiz yoxdur. Komanda olaraq bu oyunu unudub, qarşıdakı matça hazırlaşacağıq.

– Qara Qarayevi fasilədə əvəzlədiniz. 2-ci hissəni ehtiyatda izlədi, yoxsa evə göndərdiniz?
– Bizimlədir, evə niyə getməlidir? Sadəcə düşündük ki, emosiyalarını daha artıq büruzə verər, ona görə əvəzlədik. Hər iki komandanın oyunçuları mübarizədən çəkinmirdi. Futbolda bu cür hallar olur.

– Barışıq oldu?
– Nə olursa, meydanda qalır.