"Qarabağ"ın futbolçusu Juninyu “Flamenqo”ya transfer olunub.

Prosport.Az xəbər verir ki, 28 yaşlı hücumçu Braziliya klubu ilə müqavilə imzalayıb.

2023-cü ilin yayından Ağdam təmsilçisinin formasını geyinən braziliyalı forvard bu müddətdə 81 oyunda 42 qol vurub. O, Premyer Liqada 48 (23 qol), ölkə kubokunda 6 (5 qol), avrokuboklarda 27 (14 qol) matç keçirib. O, komandamızla ölkə çempionu və kubokunun qalibi olub.