"Klubla uzunmüddətli müqavilə bağlanılıb".

Prosport.Az xəbər verir ki, bu sözləri ASTA-nın prezidenti Rafael Bunyatov "Mingəçevir" klubu ilə tərəfdaşlıq müqaviləsinin imzalanma mərasimindən sonra jurnalistlərə açıqlamasında deyib.

O, Mingəçevir şəhər stadionunun təmir olunacağını bildirib: "Orada tennis kortu da salınacaq".

Bünyatovun sözlərinə görə, bu müqavilənin bağlanmasında Tural Piriyevin böyük rolu olub: "Bizə bir neçə region təklif olunmuşdu. Ancaq mən ilk gündən Mingəçevirin üzərində dayandım. Şəhərdəki 10 və 15 nömrəli məktəblə də işləyəcəyik".

O, Premyer Liqaya çıxmaq üçün özlərinə 2 il vaxt qoyduqlarını vurğulayıb: "Çünki bunun üçün klubun bazası qaydasına salınmalıdır. Çünki elitaya çıxdıqdan sonra problemlə üzləşmək istəmirik".

Qeyd edək ki, Rafael Bünyatov "Mingəçevir" klubunun yeni İdarə Heyətinin sədri olacaq.