Azərbaycan millisinin futbolçusu Mahir Emrelinin formasını geyindiyi “Nürnberq” klubunu tərk edəcək oyunçular bəllidir.

Prosport.Az xəbər verir ki, bu barədə komandanın baş məşqçisi Miroslav Kloze açıqlama verib.

Mütəxəssis qış transfer dönəmində yolları ayıracaqları 2 futbolçunun dəqiqləşdiyini deyib. Bunlar yarımmüdafiəçi Taylan Duman və Benjamin Qollerdir. Baş məşqçi əlavə edib ki, ön xətt oyunçuları Florian Pik və Yanni Serranın da gedişi istisna deyil. Kloze digər futbolçuların mövsümün sonuna qədər komandada qalacaqlarını vurğulayıb.

Qeyd edək ki, Mahir Emrelinin “Nürnberq”lə müqavilə müddəti mövsümün sonuna qədərdir.