"Sabah"ın sabiq futbolçusu Aleksey Kaşuk karyerasını Türkiyə Super Liqasında davam etdirə bilər.

Prosport.Az xəbər verir ki, ukraynalı vingerin xidmətində "Trabzonspor" maraqlıdır. Bu barədə "Fotomaç" nəşri məlumat yayıb. Qara Dəniz təmsilçisi 23 yaşlı ön xətt oyunçusunun müqavilə ilə məxsus olduğu "Şaxtyor"a rəsmi təklif göndərəcək.

Qeyd edək ki, Aleksey Kaşuk 2022-ci ilin mart ayından 2023-cü ilin yayına kimi "Sabah"da çıxış edib. Ukrayna U-21 millisinin üzvü Masazır təmsilçisinin heyətində meydana çıxdığı 41 rəsmi matçda 18 qol və 12 məhsuldar ötürmə ilə yadda qalıb.