Mövsümün 2-ci yarısına Qəbələdə hazırlaşan "Neftçi" transfer çalışmalarını da davam etdirir.

Prosport.Az sport24.az-a istinadən xəbər verir ki, "ağ-qaralar" slovakiyalı hücumçu ilə maraqlanır.

Söhbət 27 yaşlı Samuel Mrazdan gedir. Hazırda Polşa çempionatında "Motor"un şərəfini qoruyan forvard cari mövsüm komandasının heyətində 18 oyun keçirib və 9 qol, 3 məhsuldar ötürmə ilə yadda qalıb (2024-cü ildə Polşa çempionatında 34 oyuna 15 qol vurub – red.). Vaxtilə Slovakiya millisinə də cəlb olunan mərkəz hücumçusu ölkəsinin yığmasında 5 oyunda meydana çıxıb və 1 dəfə fərqlənib.

Qeyd edək ki, Samuel Mraz karyerası ərzində ölkəsində çıxış etməklə yanaşı, Danimarkada "Brondbü", İtaliyada "Empoli", "Spetsiya", "Krotone", İspaniyada "Mirandes", Yunanıstanda "Volos" və Kiprdə "Anortosis" kimi klubların formasını geyinib.