"Azərbaycan çempionatının diqqəti cəlb etməsi bizi sevindirir. Bu hamımız üçün yaxşıdır".

Prosport.Az xəbər verir ki, bunu "Neftçi"nin müdafiəçisi Yuri Matias "Qarabağ"dan "Flamenqu"ya keçməyə hazırlaşan həmyerlisi Juninyu haqqında Braziliya mediasına danışarkən deyib.

Şəxsən çox şad olduğunu dilə gətirən 29 yaşlı braziliyalı bildirib ki, forvard üçün hər şeyin yaxşı alınacağına da ümid edir: "Mən bura gələndən meydanda rəqib olsaq da, o mənə qardaş olub. İnanıram ki, hər şeyi düzgün edəcək və öz futbol bacarığını göstərə biləcək”.

Qeyd edək ki, həm Juninyu, həm də Yuri Matias 2023-cü ildən Azərbaycan çempionatında çıxış edir.