"Flamenqu” klubu Juninyunun transferi üçün “Qarabağ”la razılığa gəlib.

Prosport.Az xəbər verir ki, bu barədə bir qədər əvvəl Braziliyanın bir neçə media qurumu məlumat yayıb. ESPN saytı yazıb ki, Rio təmsilçisi qışda ilk transferini gerçəkləşdirmək üzrədir. Juninyu klubun 2025-ci ildə alacağı ilk oyunçu olacaq.

Məlumata görə, bu, “Flamenqu”nun “Qarabağ”a 2-ci təklifi sayəsində mümkün olub. Rio-de-Janeyro təmsilçisi Juninyu üçün “Qarabağ”a 5 milyon avro ödəyəcək. İlk müraciətdə 4 milyon təklif olunmuş, “Qarabağ” isə bunu rədd etmişdi.

Braziliyanın tanınmış insayderi Vene Kazaqrandi də tərəflərin razılığa gəldiyini və Juninyunun 5 milyon təzminat müqabilində “Flamemqu"ya keçəcəyini yazıb.