“Flamenqu" klubu Juninyunun transferi üçün “Qarabağ”a 2-ci təklifi göndərib.

Prosport.Az xəbər verir ki, bu barədə Brazliyanın “Bola VİP” nəşri məlumat yayıb.

Bildiirilib ki, Ağdam klubu Rio-de-Janeyro təmsilçisinin 4 milyonluq ilkin təkifinə rədd cavabı verib. Bu gün braziliyalılar məbləği artırmaqla 2-ci təklifi irəli sürüb.

Bu dəfə onlar təzminat olaraq “Qarabağ”a 5 milyon avro təklif edib. Klub futbolçunu tezliklə həyətinə qatmaq istəyir

Hazırda “Flamenqu” rəhbərliyi “Qarabağ”dan cavab gözləyir. Bakı və Rio arasında 7 saatlıq zaman fərqi isə danışıqları bir qədər ləngidir.

Qeyd olunur ki, Juninyu özü “Flamenqo”da oynamaq istəyir. Buna görə də o, “Seviya”nın təklifini rədd edib.

Braziliyadakı başqa qaynaqlar iddia edir ki, “Qarabağ” “Flamenqu”dan 6 milyon avro tələb edir. Amma Rio təmsilçisi qızıl ortanı tapmaq üçün 5 milyonluq təklifi irəli sürüb.

Tərəflər arasında danışıqlar davam edir.