Oyun alqı-satqısında günahkar bilinən "Mingəçevir" futbol klubunun 5 üzvünün günahsız olduğu məlum olub.

Prosport.Az-ın əldə etdiyi xəbərə görə, Xəyal Muradov, Tural Məmmədzadə, Fuad Əhmədov, Elnur Mirzəyev və Elmin Bayramov futbolçu karyerasına davam edə biləcək. 

Növbəti həftə keçiriləcək AFFA İntizam Komitəsinin qərarından sonra onların günahsız olduğu rəsmi şəkildə elan ediləcək.

İntizam Komitəsi həmçinin, öz komandasının oyunlarının nəticələrinin manipulyasiyasında günahlandırılan qapıçı Mövlan Kərimov, eləcə də Muxtar Nəzərli və Xəyal Xudaverdiyev haqqında da müvafiq qərarı çıxaracaq.