"Qarabağ"ın futbolçusu Juninyunu transfer etmək istəyən Braziliyanın "Flamenqu" klubunun hücumçuya təklif etdiyi maaş bəlli olub.

Prosport.Az xəbər verir ki, A Seriyası təmsilçisinin 28 yaşlı hücumçu ilə aylıq 700000 Braziliya realı (təxminən 206000 manat) qarşılığında şifahi razılıq əldə olunduğu bildirilib.

"Flamenqu" Azərbaycan çempionuna isə 4 milyon avro təklif edib. Hazırda tərəflər arasında danışıqlar davam edir.

Qeyd edək ki, Juninyu 2023-cü ildən "Qarabağ"ın formasını geyinir. O, Azərbaycan çempionatının və kubokunun qalibi olub.