"Emil Səfərovun durumu qaydasındadır, ona heç nə olmayıb".

Bu barədə Prosport.Az-a "Qəbələ"nin mətbuat xidmətinin rəhbəri Anar Hacıyev məlumat verib.

Ötən gün axşam saatlarında Zaqatalanın Yengiyan kəndi ərazisində "Qəbələ"nin futbolçusu Emil Səfərovun idarə etdiyi “VAZ-2107” markalı minik avtomobili 1995-ci il təvəllüdlü Qurban Nəsrullah oğlu Həsrətovun idarə etdyi “Niva” markalı maşınla toqquşub. Qəza nəticəsində müxtəlif dərəcəli bədən xəsarətləri alan "Niva"nın sürücüsü Q.Həsrətov Zaqatala Rayon Mərkəzi Xəstəxanasına yerləşdirilib.

"Qarşı tərəfdə həyati təhlükə yoxdur. Son məlumata görə, o, xəstəxanada idi və yüngül dərəcəli xəsarət alıb. İşə polis tərəfindən hüquqi qiymət veriləcək".