Polşanın “Lex” klubunun futbolçusu Adriel Ba Lua Misli Premyer Liqasında çıxış edə bilər.

Prosport.Az xəbər verir ki, polşalı jurnalist Sebastian Staşevsko bu barədə yazıb.

Onun iddiasına görə, 28 yaşlı futbolçuya Rusiyanın "Rubin", "Axmat", Türkiyənin "Kayserispor" komandaları, həmçinin adı açıqlanmayan Azərbaycan klubu maraq göstərir.

Adriel Ba Lua “Lex”in Türkiyədə keçiriləcək qış təlim-məşq toplanışına yollanmayacaq və karyerasını davam etdirmək üçün başqa variantları nəzərdən keçirəcək. Kotdİvuardan olan futbolçunun “Lex”lə müqaviləsinin müddəti iyunun 30-dəkdir. O, karyerası ərzində “Mimozas”, “Vayle” (Danimarka), “Karvina” (Çexiya) və “Viktoriya" (Plzen, Çexiya) klublarında oynayıb. O, 2015/16 mövsümündə "Lill"ə icarə əsasında keçsə də, Fransa çempionatında oyuna çıxmayıb.