"Qarabağ" 2024/25 mövsümünün 2-ci yarısının hazırlığına start verib.

Prosport.Az xəbər verir ki, 2025-ci ilin ilk məşqi “Azərsun Arena”da baş tutub.

Futbolçular öncə fitnes hazırlıq keçib, ardınca toplu çalışmaları yerinə yetirib. Zədədən sonra komandaya qoşulan Aleksey İsayev, Bəhlul Mustafazadə və Kevin Medina kollektiv hazırlıqlara qatılıb. Bədəvi Hüseynov isə müalicə-bərpa prosesini davam etdirir.

Qeyd edək ki, mövsümün 2-ci yarısı yanvarın 17-19-da keçiriləcək XIX turun matçları ilə başlayacaq. "Qarabağ" ayın 17-də “Şamaxı” ilə üz-üzə gələcək. Komanda yanvarın 9-da "Kəpəz"lə yoxlama oyunu keçirəcək.