Polşanın ev sahibliyi etdiyi III Avropa Oyunlarının tərkib hissəsi olan atletika üzrə komandalar arasında Avropa çempionatı davam edir.

Prosport.Az xəbər verir ki, III divizionda mübarizə aparan Azərbaycan atletləri çıxışlarını başa vurub.

Oyunların 3cü günündə idmançılarımızın nəticələri:
200 metr məsafəyə qaçış. İlahə Quliyeva. 25.33. 10-cu yer
200 metr məsafəyə qaçış. Aleksey Ələkbərov. 22.25. 10-cu yer
Nüvə itələmə. İsmail Əliyev. 15.84 metr. 7-ci yer 
Uzunluğa tullanma. Fəxriyyə Tağızadə. 5.14 metr. 9-cu yer
5000 metr məsafəyə qaçış. Elman Abışov. 16:26.70. 12-ci yer
1500 metr məsafəyə qaçış. Anna Yusupova. 4:38.00 6-cı yer
Qarışıq estafet. 4x400 metr. Cavid Məmmədov, Lamiyə Vəliyeva, Əli Abdiyev, İlahə Quliyeva. 3:31.55.  7-ci yer 

Qeyd edək ki, təmsilçilərimizdən çəkicatan Anna Skidan medal şansını saxlayır. III divizionun qalibi olan Ukrayna əsilli Skidanı II divizionda yalnız Rumıniya atleti Byanka Qelber qabaqlaya bilib. Yekun nəticələr I divizionda mübarizə yekunlaşdıqdan sonra məlum olacaq.

Komanda hesabında isə Azərbaycan yarışı 189 xalla sondan 3-cü – 13-cü sırada başa vurub. İrlandiya, Avstriya və İsrail növbəti Avropa çempionatında II divizionda mübarizə aparmaq hüququ əldə edib.