“Qarabağ” legionerlərindən birini göndərməyi planlaşdırır.

Prosport.Az apasport.az-a istinadən xəbər verir ki, Ağdam təmsilçisi Fabiyan Buntiçlə yollarını ayırmağa hazırlaşır.

Belə ki, Şahruddin Məhəmmədəliyevin dönüşündən sonra qapıçıların sayı çoxalıb. O qədər də yaxşı performans sərgiləyə bilməyən Buntiçin “Qarabağ”dan göndəriləcəyi, ən pis halda icarəyə veriləcəyi gözlənilir.

Qeyd edək ki, 27 yaşlı qolkiper ötən il iyulun 1-də Ağdam klubuna keçib və o, 2027-ci il iyunun 30-na qədər bu komandaya məxsusdur. Fabiyan Buntiç “Qarabağ”a qədər “İnqloştadt”, “Vizela” komandalarının qapısını qoruyub.