Misli Premyer Liqasında mübarizə aparan klublardan 3-ü bu gün hazırlıqları bərpa edəcək.

Prosport.Az xəbər verir ki, “Zirə”, “Şamaxı” və “Kəpəz” 2025-ci ildə ilk məşqə çıxacaq.

Qeyd edək ki, hazırlıq dövründə “Zirə” 2 yoxlama oyunu keçirəcək. Rəşad Sadıqovun komandası yanvarın 9-da “Şamaxı”, 12-də isə “Qarabağ”la üz-üzə gələcək.

“Zirə” kimi iki oyun keçirəcək “Şamaxı”nın ikinci rəqibi “Sabah” olacaq (12 yanvar).

“Kəpəz” isə hazırlıq dövründə cəmi 1 yoxlama matçında qüvvəsini sınayacaq. Gəncə klubu yanvarın 9-da “Qarabağ”la qarşılaşacaq.

Premyer Liqanın digər 7 klubu isə hazırlığa növbəti günlərdə start verəcək.