Rumıniyanın FKSB klubu Bakıda “Qarabağ”a qarşı keçirəcəyi UEFA Avropa Liqasının əsas mərhələsinin VII tur matçı ərəfəsində qapıçısı Ştefan Tırnovanu ilə yollarını ayıra bilər.

Prosport.Az xəbər verir ki, klubun sahibi Cici Bekalinin sözlərinə görə, aparıcı oyunçu İtaliyanın “Udineze” klubunun maraq dairəsindədir.

29 yaşlı qolkiper bu mövsüm bütün turnirlərdə 35 oyuna çıxıb. "Transfermarkt" portalında onun qiyməti 3,5 milyon avrodur.

“Qarabağ” - FKSB oyunu gələn il yanvarın 23-də Tofiq Bəhramov adına stadionda keçiriləcək və saat 21:45-də başlayacaq.