"Neftçi" heyətini nigeriyalı hücumçu ilə gücləndirmək istəyir.

Prosport.Az sportal.az-a xəbər verir ki, “ağ-qaralar” “Turan-Tovuz”un hücumçusu Otto Conu transfer etməyi planlaşdırır. 

Belə ki, paytaxt təmsilçisi qışda nigeriyalını transfer etməyin mümkün olub-olmaması ilə maraqlanıb. 

Əslində, “Neftçi” bu forvardı mövsümün əvvəlindən öz sıralarında görmək istəyirdi. Conun özü də paytaxt komandalarından birinə keçməyi planlaşdırır. 26 yaşlı futbolçunun “Turan Tovuz”la müqavilə müddəti 2025-ci il iyunun 30-na qədərdir.

O, bu komandaya 2023-cü il iyulun 1-də Kosovonun “Dukaqini” klubundan keçmişdi. Buna qədər isə Otto “Lion” (Nigeriya), “Skenderbeu” (Albaniya), “Trepça” və “Priştina” (hər ikisi Kosovo) klublarında oynayıb.