Futbol üzrə Misli Premyer Liqasının dəyəri qalxıb.

Prosport.Az xəbər verir ki, çempionatda çıxış edən futbolçuların ümumi bazar qiyməti 90.08 milyon avrodan 100.30 milyon avroya (11.4% qalxıb) yüksəlib.

Klublardan yalnız "Neftçi"nin heyətinin qiymətində azalma müşahidə olunur. "Ağ-qaralar"ın oyunçularının ümumi dəyəri 12.03 milyon avrodan 10.55 milyon avroya (-12.3%) düşüb.

Faiz nisbətində (82.6%) ən çox artım isə "Şamaxı"da qeydə alınıb. Bölgə təmsilçisinin oyunçularının ümumi dəyəri 3.03 milyon avrodan 5,53 milyon avroya qalxıb.

Misli Premyer Liqası komandalarının futbolçulara görə bazar dəyəri:

1. "Qarabağ": 22.65 milyon avro (əvvəlki 20.33 milyon avro) – 12% artıb
2. "Zirə": 12.40 milyon avro (əvvəlki 11.58 milyon avro) – 7.1% artıb
3. "Sabah": 11.95 milyon avro (əvvəlki 11.75 milyon avro) – 1.7% artıb
4. "Sumqayıt": 10.95 milyon avro (əvvəlki 10.68 milyon avro) – 2.6% artıb
5. "Neftçi": 10.55 milyon avro (əvvəlki 12.03 milyon avro) – 12.3% azalıb
6. "Araz-Naxçıvan": 7.75 milyon avro (əvvəlki 5.53 milyon avro) – 40.3% artıb
7. "Turan Tovuz": 7.48 milyon avro (əvvəlki 5.60 milyon avro) – 33.5% artıb
8. "Kəpəz": 6.13 milyon avro (əvvəlki 5.48 milyon avro) – 11.9% artıb
9. "Şamaxı": 5.53 milyon avro (əvvəlki 3.03 milyon avro) – 82.6% artıb
10. "Səbail": 4.93 milyon avro (əvvəlki 4.20 milyon avro) – 17.3% artıb