“Qarabağ” təlim-məşq toplanışı üçün Avstriyaya yollanıb.

Prosport.Az xəbər verir ki, komanda Avstriyaya çatmaq üçün Türkiyənin İstanbul və Almaniyanın Münxen şəhərlərini görməli olacaq. Azərbaycan çempionu yeni mövsümün hazırlığını Tirolda keçirəcək.

Qurban Qurbanovun kollektivi orada olduğu müddətdə 3 yoxlama görüşü keçirməyi planlaşdırır. Komanda iyunun 27-də “Ferentsvaroş” (Macarıstan), iyulun 1-də isə “Leqiya” (Polşa) ilə üz-üzə gələcək. Digər rəqiblə bağlı danışıqlar davam edir.

Qeyd edək ki, “Qarabağ”ın ilk rəsmi matçı UEFA Çempionlar Liqasının I təsnifat mərhələsində Cəbəllüttariq təmsilçisi “Linkoln Red İmps”ə qarşı olacaq. Görüş iyulun 11-də və ya 12-də səfərdə baş tutacaq.