"Onunla işləməkdən zövq alıram, yanaşması təsiredicidir".

Prosport.Az xəbər verir ki, bunu "Qarabağ”ın qapıçısı Mateuş Koxalski baş məşqçisi Qurban Qurbanov haqda deyib.

24 yaşlı polşalı qolkiper heç vaxt belə xarakterli məşqçiyə rast gəlmədiyini bildirib. Onun sözlərinə görə, mütəxəssis ciddi bir şey olmadığı halda oyunçularla çox danışmır:

"Hər matçda öz səviyyəmizə uyğun oynamağımızı istəyir. Bunu ötən mövsüm “Qarabağ”ın UEFA Avropa Liqasının 1/8 finalına yüksəlməsi və yalnız Almaniya “Bayer”inə gərgin mübarizədə (2:2, 2:3) uduzması da təsdiqlədi. İndi azarkeşlərdən mesajlar alıram. Onlar narahat olmamağımı və “Qarabağ”ın Avropada həmişə belə oynadığını düşünməməyimi xahiş edir. Deyirlər ki, bu, sadəcə zəif bir mövsümdür. Bunu çox gözəl başa düşürəm. Çünki futbolçularımızın hansı səviyyədə olduğunu görürəm. Ümumiləşdirsək, deyə bilərəm ki, Qurbanov müstəsna insandır. Başqa klublarda uğurla işləyə bilərdi, amma burada onun rolu əsasdır”.

Mateuş Koxalski Qurban Qurbanovun bu mövsüm Avropa Liqasındakı uğursuz çıxışa münasibətindən də söz açıb: “Oyunların fasilələri zamanı qıcıqlanırdı. Amma məğlubiyyətlərdən sonra onun qışqırmamasına təəccüblənirdim”.